منتدي الساحر شيكابالا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي ساحر الكره المصرية شيكابالا
 
الرئيسيةأحدث الصورالتسجيلدخول

 

 ابراهيم سعيد لـGoal FM : الإعلام الأهلاوى بيهاجمنى .. و أنا مش قده

اذهب الى الأسفل 
كاتب الموضوعرسالة
sasa77

sasa77


المساهمات : 477
تاريخ التسجيل : 15/08/2009
العمر : 36

ابراهيم سعيد لـGoal FM : الإعلام الأهلاوى بيهاجمنى .. و أنا مش قده Empty
مُساهمةموضوع: ابراهيم سعيد لـGoal FM : الإعلام الأهلاوى بيهاجمنى .. و أنا مش قده   ابراهيم سعيد لـGoal FM : الإعلام الأهلاوى بيهاجمنى .. و أنا مش قده Emptyالإثنين أغسطس 31, 2009 1:55 am

ابراهيم سعيد لـGoal FM : الإعلام الأهلاوى بيهاجمنى .. و أنا مش قده 5556142521ibrahimsaid.th




هل ابراهيم سعيد هيرجع الزمالك ؟

- فيه كلام عن رجوعى للزمالك من اكتر من 20 يوم ، بس الإختلاف فى وجهات النظر عمل مشكلة ، أنا سعيد انى دخلت فى الصورة مرة تانية و أنا أتمنى انى ارجع الزمالك لأن ده شرف كبير لى و لأى لاعب ، و انا سعيد ان فيه ناس بتتكلم عنى بشكل كويس زى كابتن ابراهيم يوسف امبارح على إذاعتكم.

* و ناوى تعمل ايه لو رجعت الزمالك؟

- أنا نفسى اقدم شئ لنادى الزمالك و اعوض كل اللى فات.أنا مديتش النادى ده حقه لما كنت فيه.

* تعتقد ان الجمهور هيسامحك و هينسى المشاكل القديمة ؟

- انا شايف كل الأمور مهيئة و تمهد لرجوعى الزمالك و ده اللى انا عايزه و انا واثق ان جمهوره هيساندنى.

* هل انت ندمان على الايام اللى فاتت؟

- انا نادم جدا على الأيام اللى فاتت لأنى ما قدرتش اوصل لصورة كويسة لابراهيم سعيد ، كان فيه ناس مغرضة هى اللى بتشوه صورة ابراهيم سعيد و انا مقدرتش احسنها ، أنا ربنا فاتحلى الباب لأنى ارجع و اثبت انى بنى آدم كويس ، و الله أعلم ربنا كاتبلى ايه بس انا واثق انه مش هيسيبنى.

* ايه هدفك فى المرحلة القادمة؟

- انا عايز اوصل لصورة بعيدة عن ابراهيم سعيد المشاغب و المشاكس و كل اللى بيتقال عنى ، و بتمنى انى انجح سواء رجعت الزمالك او مارجعتش. و انا عايز كمان ارجع منتخب مصر و لو رجعت بجد هعمل لنفسى اسم و سمعة كويسين و هشرف مصر.

* ايه حقيقة مفاوضات المصرى معاك؟

- انا كان المفروض انى ارجع المصرى و كامل ابو على فعلا كلمنى ، و بعدين النهارده ابو على صرح ان ابراهيم سعيد مش هيلعب فى المصرى فى عهده أبدا. الغريب ان هو قعد معايا و اتفقنا على المقابل المادى (700 الف فى الموسم) ، بعدين معرفش اللى حصل و غير موقفه بالشكل الغريب ده.

* ايه اللى حصل معاك فى الإسماعيلى؟

- انا ما عملتش مشاكل فى الاسماعيلى ، و عمرى ما زايدت عليهم بالإنتقال للأهلى أو للزمالك زى ناس كتيرة و معروفة.

* مين اللى بيشوه صورة ابراهيم سعيد؟

- الإعلام الأهلاوى.

* و انت ليه مابتردش؟

- انا مش قد الإعلام الأهلاوى اللى هاجمنى بكل قوة

هل تنقلك بين أكثر من نادى أضاف لك أم العكس؟

- اللاعب فى عصر الإحتراف لازم يبقى مخلص للفانلة اللى بيلعب بيها أيا كانت قبل أى اعتبارات.

* يعنى انت بتعترف بأخطاءك؟

- مفيش انسان لا يخطئ ، أنا اخطأت ، بس أخطائى بيتم تضخيمها من الإعلام و بتوصل للناس بأنها خطيئة مش خطأ.

* زمايلك اللى كانوا معاك فى المنتخب ايام 2006 .. بيلعبوا دلوقتى و انت بتتفرج من برة .. هل انت حزين بسبب ده؟

- طبعا أنا حزين بأنى قاعد و ما بلعبش مع المنتخب لأن فانلة المنتخب شرف كبير و مسئولية اكبر ، بس أنا لو قعدت اعيط مش هانجح ، انا كان لازم تحصلى كبوة عشان اتعلم ، انا اتعلمت حاجة واحدة من كل اللى حصلى ، انى اتحدى نفسى قبل ما اتحدى الناس .

* ايه اللى تثبت بيه للناس انك اتغيرت؟

- انا لو قعدت اقول انى هتغير مفيش حاجة هتتغير ، انا نفسى العب كورة بس ، تغييرى هو ادائى و سلوكى اللى الناس هتشوفنى عليه.

*هل لمشاكلك الشخصية دخل فى مشاكلك الكروية؟

-من سنة 97 الكلام هو هو بيتكرر ، مشاكلك الشخصية ، مشاكلك الأسرية ، مشاكلك مشاكلك مشاكلك . أنا لاعب كرة ، التقييم يبقى على أدائى فقط. و انا مش عايز اتكلم فى حياتى الشخصية. مفيش بيت فى مصر مفيهوش مشاكل ، ليه انا اللى الناس بتتكلم عنه و عن بيته؟
الرجوع الى أعلى الصفحة اذهب الى الأسفل
 
ابراهيم سعيد لـGoal FM : الإعلام الأهلاوى بيهاجمنى .. و أنا مش قده
الرجوع الى أعلى الصفحة 
صفحة 1 من اصل 1
 مواضيع مماثلة
-
» شعبان لـGoal FM :مباراة رواندا صعبة .. و ان شاء الله هنكسب
» شيكابالا سعيد بالعودة للمنتخب
» حازم: تمسكت بضم حسن مصطفى.. وزكي سعيد لبقائه مع الزمالك
» خاص - الرئيس مبارك يمنع هاني سعيد من تدريبات الزمالك
» خاص - إبراهيم يوسف يحاول إقناع الزمالك بضم سعيد .. ويستشهد بموقفه مع شيكابالا

صلاحيات هذا المنتدى:لاتستطيع الرد على المواضيع في هذا المنتدى
منتدي الساحر شيكابالا :: منتدي زملكاوي علي طول :: نجوم الزمالك-
انتقل الى: